Анңамта тэлэңэл   Олонхо – Ньока героическай эпосан   Культурнай наследиел   Ньока төрэңэн ңөнмирэлни огантан нян нимкантан музеян   Ньока республикан ңөнмирални культуратан   Культура нян искусство сфералан хупкучин   Культурнай туризм   Научнай муюссэн   Төрэн политикан   Хупкучэк нян культура   Культураду анипча публикациял   Фотогалерея Слепцова Спиридона (sachaja)

Дмитрий Васильевич Кривошапкин – Нимкалан, тулмачимңа эвэдыч тулматчадук хинмапча. Эрэк некады икэ-олонхо, некады нимкан эвэды төрэнду Саккырыр диалекчин тулмачипча бими, хан төрэр экич-тэ унур бидин. Тар –да бисиклэн эгдедун эвэсэлду як дюгулин дукапча бисивэн унубган. Нека ңонмирэн хо ңонам икэ-нимканни, Олонхо гэрбэ хо ирбэт, ни – дэ дюллэ нимканчан эсни хам бис. Эрэк Олонхо икэ –нимкан ңонам тугэни хисэчирдун, долбанив-да чуптэрэ нимкалам-олонхосуту өмэн-ду дюду чакаптидюр, бэил долчидетта. «Нюргун Боотур» олонхов кубэчин нимкалардук чакриди-долчириди элэкэс, нидук-тэ дюллэ Платон Ойунскай дукрин. Элэ нека ңөнмирэн бинин, фольклоран, культуран дюгулин хоя материал бисни. Эрэк олонхов, исудды куңал, ай мэргэлкэн, эңи, кэнелив эйду аччалтари Нюргун Боотур урэчин одавур элимэдюр мэргэтникэн долчиватта.

Олонхо-нимкан икэлэ нека ңонмирэн ай, несэлкэн тэгэлгэм гэлэттын, гэлэрин дюгулин. Нимкандула илан төр бисни. Өиг төр нэрин хэвки төрэнэн, тала ноңан гяки бэлэмнэлкэн. Тараңалби Дулаг төрлэ бэилбу бэлнэвкэвэттэн, айнавкаваттан. Арисагалбу дэпки тивэттэн. Хэргиг төр арисагал төрэңэтэн. Ноңартан бэилду гякив кэнелив тиндэвур, одавур эрэгэр манручидда. Эррөчин хөнкэчэкту хэвки хан бэилду эгдем энив бөриди арисагалнюн кусикэттэн бэллөттэн. Бэилдук бисил хамасалтакан хэвкинюн укченмэтти бигрэчэл нян хан ңэлэм арисагалнюн-да кусикэткэрэчэл. Эрэк дюгулин олонхола икэникэн укчэнеббөттэн.

Е.К. Тарабукина

( Тан*анмайду книга»,

Якутскай: «Бичик» -2002 г)

Текстэл

1. Платон Ойунский ГУЛКӨКӨДДИ НЮРГУН БООТУР[фрагмент>